Die Koepel Motorklub en Parys Vliegklub in samewerking met ander instansies span weer saam om Saterdag 19 April 2008 ‘n pretdag soos nooit tevore aan te bied deur ander Klubs en belangstellendes te nooi vir ‘n Invlieg- en Inrydag. Die vertoning is ‘n Statiese Tentoonstelling van interessante Ou en Nuwe Motors, Vliegtuie, Trekkers, Motorfietse, Enjins, Warmlugballonne, ens. Verdere verrassings om die dag ekstra oemf te gee is nie uitgesluit nie. Kom kyk self!!!!
Daar sal vermaak vir die kinders wees in die vorm van donkiekar- en ponieritte, springkastele, trekkertreintjieritte en nog vele meer. Wat kosstalletjies betref sal daar te kies en te keur wees. Wees verseker niemand sal honger of dors huistoe gaan nie. Van biltong tot roomys en alle ander lekkernye tussenin sal te koop wees om aan te smul. Verder sal daar ‘n vlooimark wees vir die wat ‘n ietsie wil koop om huistoe te neem. Terwyl die manne vliegtuie, ou motors, doef-doef enjins asook trekkers besigtig kan die dames mooi goetertjies by die stalletjies koop. 

Vir die wat braaf genoeg is en wil oorslaap sal daar ‘n plek wees om ‘n tent of karavaan op te slaan en dan kan julle die volgende oggend na ontbyt vertrek en rustig huiswaarts keer. Bring stoele, sambrele en ander noodsaaklikhede saam.
Ons sien uit om julle daar te ontvang en versoek dat julle ons Wieke en Wiele Dag op julle Kalender sal aanbring en verder sal adverteer deur dit sover as moontlik aan ander belangstellendes oor te dra.

Indien verdere inligting benodig word skakel ons gerus by: 
Pierre: 056 811 3693 of 082 686 7209
Kobus: 056 817 7361 of 083 634 4194

Parys Lughawe

Radio: 123,5
Koördinate: S 26 53.0 E 027 30.0
Elev: 4740 voet
Aanloopbaan: 06/24 Teer 4 406 voet
Onbeman ( Daar sal ‘n ATC wees vir 19 April 2008)